"Қамқоршылық кеңес" жұмысының 2023-2024 оқу жылына арналған   есебі.

  Кеңестің мақсаттары және міндеттері болып табылатыны: 

- жарғы функцияларын мектепте оның жүзеге асыруына ықпал ету; 

- білім беруде оқу бағдарламасын жүзеге асыру мақсатында мектептің педагогикалық ұжымы және оқушылары үшін қажетті жағдай жасауға қатысу;

- білім беру сапасын арттыру және білім беру процесссін жетілдіруге қатысу; 

тәрбие процессін дамытуға қатысу;

- қызығушылықтары мен құқықтарын қолдау және қорғау, құқықтықты қамтамасыз ету;

 Қамқоршылық кеңес жұмысының басым бағыттары: - мектепте балаларды оқыту мен тәрбиелеудің қауіпсіз жағдайларын жасауға ықпал ету; -мектептің материалдық-техникалық базасын жетілдіруге, оның үй-жайлары мен аумағын абаттандыруға ықпал ету; - мектептің конкурстарын, жарыстарын, бұқаралық іс-шараларын ұйымдастыруға жәрдемдесу;

        Қамқоршылық кеңестің бірінші отырысында оның құрамы сайланды және бекітілді, төраға сайланды, Қамқоршылық Кеңес туралы ереже бекітілді. Осыған сәйкес мектеп бойынша "Қамқорлық кеңесін құру туралы"бұйрық шығарылды. Оқу жылының басынан бастап Қамқоршылық кеңесі оқу-тәрбие үдерісін ұйымдастыруға белсенді қатысты. Құрамына 9 адам кірді.  Қамқоршылық кеңесінің 4 отырысы өткізілді, онда тәрбиеленушілердің әлеуметтік мінез-құлқының алдын алу және алдын алу жұмыстарын жетілдіру бойынша мектеп пен отбасы серіктестігі мәселелері қарастырылды. Қамқоршылық кеңестің тікелей қатысуымен бірқатар мәселелерді шеше алды. Олардың қолдауымен кеңсе заттары, әлеуметтік  санаттағы оқушыларға киім - кешектер ұйымдастырылып алынды.     2023 – 2024 оқу жылында 1 тамыз – 30 қыркүйек аралығында «Мектепке жол - Жақсылық жаса!» ұранымен, «Мектепке жол» жалпы республикалық қайырымдылық акциясы ұйымдастырылды. Акция өту барысында штаб құрылып, жоспар бекітілді. Мектеп ұстаздары оқушылардың мектептен қол үзуіне жол бермеу мақсатында рейд ұйымдастырылып, мектепке келетін оқушылардың ішінен көмекке мұқтаж отбасындағы оқушылар анықталды.

      Акцияның басты мақсаты – жағдайы төмен көмекке мұқтаж отбасының балалары жаңа оқу жылына дайындық кезеңінде мектепке киетін киім-кешекпен және оқу құралдары, кеңсе тауарларымен қамту қарастырылған.

      Акция аясында мектеп түлегі Н.А. Адилов бір отбасының екі баласына 100 000 теңге көлемінде мектеп формасын, спорттық киім, туфли, мектепке қажетті кеңсе тауарларын, сөмке алып берді. Атап айтар болсақ:                            1) 5 «ә» сынып оқушысы Малик Сабина Асланқызы; 2) 3 «а» сынып оқушысы Малик Сағи Асланұлы.

     Ауылымыздың депутаты  А.Р. Бекмурзина 70 000 теңгеге 9 «ә» сынып оқушысы Шайділдә Аяжан Бекқызына сөмке, ақ жейде, мектеп формасын және мектеп қажетті кеңсе тауарларын алып берді.

     Шу аудандық Аманат партия демеушілігімен 32000 теңгеге 9 «а» сынып оқушысы Райқұл Инабат Бауыржанқызына сөмке, ақ жейде, классикалық шалбар, жемпір, желетке, спорттық аяқ киім желтоқсан айында   7 "ә" сынып  Әден Әбен  және  5 "а" сынып оқушысы  Мәлік  Сабинаға 24000 теңгеге қыстық  курткалар  алынып берілді

     Шу аудандық маслихаттың демеушілігімен 6 «ә» сынып оқушысы Жексенбек Мейірім Қанатқызына ақ жейде, юбка, сөмке, туфли, спорттық аяқ киім, 40 дәптер алып берді.

     Шу қаласындағы халық банкінің басшысы 1 «а» сынып оқушысы Жексенбек Айбибі Қанатқызына сөмке мен мектепке қажетті кеңсе тауарларын алып берді.

    2023 жылдың 28 желтоқсаны күні мектебіміздің көп балалы отбасынан  шыққан  6 "ә"  сынып оқушысы Оңлабай Ерсұлтан,  аз қамтылған отбасынан шыққан  5 "а" сынып оқушысы  Мәлік Сабина Жаңа жылдық Аудан әкімі шыршасына қатыстырылып, онда сыйлық және қаржылай көмек көрсетілді.

    Мектепте  ыстық тамақтың тізіміндегі 27 отбасында тәрбиеленіп жатқан 74 білім алушы мектептің жалпыға міндетті оқу қорынан әрбір бала үшін 40567 (қырық мың бес жүз алпыс жеті) теңге көлемінде қаржылай көмек берілді. Қаржылай көмек алған ата-аналар аталған қаржыға мектеп жасындағы балалары үшін мектеп формасы және аяқ киім, мектепке қажетті кеңсе тауарларын сатып алды.

     15 наурыз Қайырымдылық күні болып белгіленгеніне орай,  "Қайырымды іс жаса" тақырыбында акция ұйымдастырылды. Қайырымдылық ақцияға Қамқоршылық кеңес мүшелерімен мектеп ұстаздары қатысып, жалпы соммасы 36.460 теңге жиналды. Жиналған  қаржыға аз қамтылған отбасылары Әден Әбеннің отбасына, Бекболат Алтынайдың отбасына, Жұматай Аманжолдың отбасына, Дубаева Саяның  отбасына азық - түліктер алынып, таратылды және  көп балалы отбасынан шыққан 7"ә" сынып оқушысы Өмірзақ Ілиясқа  6000 теңгеге аяқ киім алып берілді.

   Жалпы мектептік мерекелік іс-шаралар: "Мұғалімдер күні", "Жаңа жыл" - Қамқоршылық кеңесінің қолдауымен өткізілді. Қамқоршылық кеңесінің мүшелері оқушылардың ыстық тамақтануын ұйымдастыруға және оның сапасын бақылауға тікелей қатысады. Бракераждық комиссияның мүшелері болып табылады.

   Асханада оқушылар І-ауысым, ІІ-ауысым  болып екіге  бөлініп тамақтанады. Мектептегі тегін ыстық тамақпен қамтылған оқушылардың  тамақтануын, асхананың талапқа сай жұмыс жасалуын және балаларға берілетін  тамақтардың сапасы мен ұйымдастырылуын бракераж комиссиясының мүшелері бақылайды. Бракераж комиссиясының төрайымы мектеп директоры, мүшелері: қамқоршылық кеңес төрайымы, ата-аналар комитетінің төрайымы, ата-ана комитетінің мүшесі, мектеп медицина қызметкері, директордың тәрбие ісі жөніндегі орынбасары, әлеуметтік педагог, комиссия құрамы «Дайын тамақтың сапасына бақылау» (бракераж) журналының  толтырылуына  да тексеру жүргізіп отырады.

       Қамқоршылық кеңесі жұмыстары кезінде мектеп әкімшілігі ынтымақтастық қатынасты қалыптастыра білді, әрине сөзсіз біріккен қызмет үшін жағымды негіз болып табылады.

 

 

Ата -аналар назарына!

Ескерту

Жамбыл облысы әкімдігінің Шу ауданының білім бөлімінің «Амангелді  атындағы орта мектебі» коммуналдық мемлекеттік мекемесі 2023-2024 оқу жылын ұйымдасқан түрде аяқтау үшін мына жағдайларды ескертеді:

Жамбыл облысы әкімдігінің Шу ауданының білім бөлімінің «Амангелді  атындағы орта мектебі» коммуналдық мемлекеттік мекемесі 2023-2024 оқу жылын ұйымдасқан түрде аяқтау үшін мына жағдайларды ескертеді:

✅ Қазақстан Республикасы Оқу-ағарту министрлігінің мамыр айына арналған «Мамыр – ынтымақ айы» ұсынымын басшылыққа ала отырып, мектептегі 1-10 сынып аралығындағы білім алушыларға 2024 жылдың 24 мамыр күні бірыңғай «Білімім – Отаныма» тақырыбында жалпы республикалық тәрбие сағаты өтеді.

✅ Мектеп бітірушілерге арналған салтанатты жиын 2024 жылы 25 мамыр күні сағат 09:00 ден 10:30-ге дейін, білім беру ұйымы қабырғасында ұйымдастырылып өткізіледі.

✅ Сыбайлас жемқорлыққа қарсы мәдениет қалыптастыру мақсатында мектеп қажеттіліктеріне және 4,9,11 сыныпты аяқтауына байланысты қаражат жинауға қатаң тыйым салынады;

✅ Барлық қатысушыларға «Соңғы қоңырау» іс-шарасын өткізу тәртібі және қауіпсіздік талаптарын сақтау туралы нұсқаулық беріліп, кешенді қауіпсіздік шараларының жүргізілуі талап етіледі.

✅ Педагогикалық этика және сыбайлас жемқорлықтың алдын алу мақсатында мектеп әкімшілігіне және педагогтерге кез-келген түрдегі сыйлықтар алуға (педагогтер соңғы қоңырау іс-шарасы барысында ата-аналар тарапынан түрлі сыйлықтар алуға, ата-аналар комитеті тарапынан қаржы жинауға) қатаң тыйым салынады;

✅ Оқушылардың автокөлік шеруін ұйымдастыруына, ойын алаңдарына, мейрамханаларға, тау бөктеріне баруға қатаң тыйым салынады;

✅ Іс-шара кезінде түрлі мақсатта ата-аналардан қаражат жинауға, мерекелік дастархан ұйымдастыруға тыйым салынады;

✅ Мереке күндері және басқада күндері кәмелетке толмағандардың ата-анасыз немесе жауапты заңды тұлғаларсыз топтасып серуендеуіне, қала орталығында себепсіз жүруіне тиым салынады.

Құрметті ата-аналар! Жоғарыда айтылған талаптардың орындалуын қадағалауды ескертеміз. Бала қауіпсіздігі барлығымызға ортақ міндет!!!